Рафис Хәбибуллин: быел янгыннарның артуы коры үлән, чүп-чар, һәм камыш яндыруы белән бәйле
Бүген Татарстан Республикасы Хөкүмәте Йортында узган киңәшмәдә Татарстан Республикасы буенча Россия ГТХМ Баш идарәсе башлыгы Рафис Хәбибуллин Татарстан Республикасы территориясендә янгыннар һәм кешеләрнең һәлак булуы турында сөйләде.
Янгыннарның артуы 33 муниципаль берәмлектә, шул исәптән Азнакай, Биектау, Чирмешән, Сарман, Баулы һәм Әтнә районнарында күзәтелә.
Янгыннарда һәлак булучыларның саны узган елның шул чоры белән чагыштырганда 30% ка - 53 дән 69% ка арткан.
Янгыннарда кешеләрнең һәлак булуы 18 муниципаль берәмлектә күзәтелә, шул исәптән 3 муниципаль берәмлектә (Казан, Кукмара районы, Апас районы) балаларның һәлак булуына юл куелган.
"Алдагы ике атнада һава температурасы 25-27 градуска кадәр югары булачак. Май бәйрәмнәре дәвам итә, гражданнарның күбесе табигатькә һәм дачаларга барачак, шуңа бәйле рәвештә янгын куркынычсызлыгы мәсьәләләренә аеруча игътибар итүләрен сорыйм», - диде Рафис Хәбибуллин.