Элбрус тавында 8 нче Федераль янгынга каршы хезмәт отрядының истәлекле медален Азат Якупов билгеләде. Шундый гадәти булмаган ысул белән ул 2019 елның юбилей датасына - Россия янгынчылыгы оешуга 370 ел тулу хөрмәтенә бөтен Татарстан янгын сүндерүчеләре һәм коткаручылары хезмәтенә хөрмәтен белдерде.
Азат Якупов берничә ел Яшел Үзән янгын саклау тармагында эшләгән, Идел буе фанера-мебель комбинатында 84 нче янгын часте командиры булган. Хәзер ул Казан шәһәрендә ТР буенча 5 нче Федераль янгынга каршы отрядның янгын сүндерү-коткару бүлекләренең берсендә хезмәт итә.
Россия һәм Европаның иң биек ноктасы – 5642 метр биеклектәге Эльбрус тавы экстремаль яратучылар өчен күптән билгеле һәм популяр нокта. Азат өчен Эльбруска менү, тау биеклеген җиңеп чыгу буенча беренче тәҗрибә булды.