«Торак» операциясе кысаларында ведомствоара рейдлар
Соңгы ике атна дәвамында Әлки һәм Спас муниципаль районнары буенча күзәтчелек эшчәнлеге һәм профилактик эшләр районара бүлеге хезмәткәрләре «Забота» социаль хезмәт күрсәтү үзәге, «Газпром трансгаз Казан» ҖЧҖ хезмәткәрләре белән берлектә «риск төркеме»нә керүче гаиләләрнең яшәү урыннары буенча профилактик рейдлар үткәрде. Имин булмаган гражданнар, күп балалы гаиләләр, ялгыз яшәүче өлкән яшьтәге гражданнар һәм инвалидлар халыкның иң якланмаган өлеше булып санала.
Мондый ведомствоара профилактик рейдлар инде традициягә әйләнде, әмма аларның максаты үзгәрешсез кала - янгыннарны һәм аларда кешеләрнең үлүен кисәтү. Торак фондның төп өлеше шәхси секторга туры килгәнлектән, районда янгыннар да ешрак мич җылыту һәм электр җиһазларын урнаштыру һәм эксплуатацияләү кагыйдәләрен бозу аркасында килеп чыга.
Гадәттән тыш хәлләр министрлыгы хезмәткәре балалар ут белән уйнауга аерым басым ясады. Халыкка иң мөһим һәм кирәкле куркынычсызлык кагыйдәләре язылган белешмәлекләр һәм листовкалар, районның барлык ашыгыч хезмәтләренең, шул исәптән янгын сүндерү хезмәтенең телефон номерлары тапшырылды.
Ведомствоара рейд барышында имин булмаган балалы гаилә йортларында автоном янгын белдерүчеләре урнаштырылды.