Хөрмәтле ата-аналар! Җәйге каникуллар вакытында балаларны караучысыз калдырмагыз!
Мондый мөрәҗәгать белән бүген ММЧ өчен брифинг вакытындаТатарстан Республикасының кече суднолар буенча Баш дәүләт инспекторы Юрий Венедиктов чыгыш ясады.
Татарстан Республикасында су коену сезоны рәсми рәвештә 1 июньнән ачылды, тик асылда, татарстанлылар аны май урталарында ук ачты. Һәм, кызганычка каршы, 11-29 май көннәрендә су стихиясе корбаннары исемлеген биш кеше тулыландырды инде. Бу - нәкъ менә моның өчен җайлаштырылмаган урыннарда соңгы тапкыр су коенган кешеләр. Тагын өч кешене, шул исәптән бер үсмерне саклап кала алдык.
Хөрмәтле ата-аналар! Балаларны сулыкларга гына җибәрмәүләрен үтенәм. Җәйге каникуллар вакытында балаларның ялын балалар сәламәтләндерү лагерьларына, мәктәп яны лагерьларына җибәрергә тырышыгыз, балаларны караучысыз калдырмагыз.
Сулыкка ял итәргә җыенганда, бары тик коткару постлары булган җиһазландырылган пляжларны гына сайлап алыгыз, аларда коткаручылар һәм медицина персоналы бар, ярдәм итәргә әзер, - дип белдерде ТР Кече суднолар буенча Баш дәүләт инспекторы.
Юрий Венедиктов хәбәр иткәнчә, КСДИдә барлыгы 40 пляж исәптә тора.